თბილისი (GBC) -ყავის იმპორტიორები საქართველოში მნიშვნელოვნად გაზრდილ ხარჯებზე და შემცირებულ შემოსავალზე საუბრობენ. როგორც Coffee LAB -ის გენერალური მენეჯერი თათია ზარქუა აცხადებს, კოვიდ პანდემიისა და დაწესებული შეზღუდვების გამო საოპერაციო ხარჯები 10 %-ით გაეზარდათ,ხოლო მოგების მარჟა 15 %-ით შემცირდა. ზარქუას თქმით, ის ტურისტული ობიექტები, კაფე-რესტორნები და სახვადასხა ტიპის დაწესებულებები, რომლებიც მათი მომხმარებლები არიან პანდემიის გამო ფაქტობრივად უფუნქციოდაა დარჩენილი და შესაბამისად, არასაცალო სექტორში მოთხოვნა ყავაზე 40%-ით შემცირდა.

30-40 %-იანი კლებაა საცალო სექტორშიც. ზარქუა ამ ფაქტს მთავრობის მიერ ნოემბერში შემოღებულ ახალ რეგულაციებს, ანუ შემცირებულ სამუშაო საათებს უკავშირებს.  ზარქუას თქმით, შექმნილ სიტუაციაში კომპანია იძულებული გახდა გასაყიდი ყავის ფასი საცალო ვაჭრობაში დაახლოებით 8-10 %-ით გაეზარდა.