თბილისი (GBC) - მორიგი ნახტომი – ბოიტკოინის კურსი $15 800–იან ნიშნულს ასცდა

ბიტკოინი ხუთშაბათის ვაჭრობებზე იზრდება და თბილისის დროით 10:40 სააისთვის $15 840–ად ივაჭრება (+3,19%).

ამის შესახებ პორტალი CoinMarketCap წერს, რომელიც 20–ზე მეტ ბირჟაზე დაკვირვებით ადგენს ყველაზე პოპულარული კრიპტოვალუტის კურსს.

კრიპტობაზრის ანალიტიკოსების აზრით, ეს ბიტკოინის მორიგი მცდელობაა, გადალახოს ახალი ფსიქოლოგიური ნიშნული $16 000–იან ზღვარზე, თუმცა წინააღმდეგობა ჯერ საკმაოდ სერიოზულია საამისოდ. მთლიანობაში, ბოლო დღე–ღამეში მონეტა 3%–ზე მეტით გამყარდა. მისი შემდგომი ზრდა, ანალიტიკოსების აზრით, შესაძლოა საფონდო ბაზრების მაჩვენებლებმაც შეაფერხონ, რომელიც კვირის დასაწყისში შესანიშნავი სტარტის შემდეგ დასტაბილურდა.