თბილისი (GBC) -  ინოვაციების და ტექნოლოგიების სააგენტომ 100 000 ₾ თანადაფინანსების გრანტების პროგრამა მეექვსედ გამოაცხადა.   მსოფლიო ბანკის ,,ეროვნული ინოვაციების ეკოსისტემის პროექტის” (GENIE) მხარდაჭერით.

 5 რაუნდის ფარგლებში  96 სტარტაპი დაფინანსდა. თითოეულს  100 000 ლარამდე გრანტი გადაეცა. პროგრამის მიზანია  საქართველოში საერთაშორისო პოტენციალის ინოვაციური პროდუქტების და მომსახურების  შემუშავება, კომერციალიზაცია და ინოვაციური საწარმოების შექმნის სტიმულირება.

თანადაფინანსების გრანტი ყველაზე  გავრცელებული ინსტრუმენტია. დაფინანსება GENIE პროექტის ფარგლებში გათვალისწინებულია  სტარტაპებისთვის, რომელიც განკუთვნილია დამწყები/2 წლამდე კერძო, მცირე საწარმოებისთვის.

დაფინანსდება ტექნოლოგიაზე დაფუძნებული პროექტები-საქმიანობები, გარდა სამხედრო, ბირთვულ ტექნოლოგიებთან, სპირტის და სპირტიანი  სასმელების, თამბაქოს, და სახიფათო ნივთიერებების წარმოებისა.