თბილის (GBC) - 1,2  იანვარს რუსეთში ალკოჰოლური სასმელების გაყიდვის აკრძალვის იდეით გამოვიდნენ. ამ შინაარსის წერილით რუსეთის საზოგადოებრივი საბჭოს წევრმა, პროექტის „ფხიზელი რუსეთი“ ხელმძღვანელმა ქვეყნის მრეწველობისა და ვაჭრობის მინისტრს დენის მანტუროვს მიმართა.

რუსული მედიის ცნობით, წერილის ავტორი წერს, რომ იანვრის დღესასწაულებზე ხშირია ალკოჰოლური მოწამვლის აფეთქებები და იზრდება სასწრაფო სამედიცინო დახმარებისთვის მიმართვიანობა. მისი თქმით, ეს იმ ფონზე, როდესაც ექიმები ისედაც გადატვირთული არიან კორონავირუსის პანდემიის გამო. მიმართვის ავტორი იანვრის პირველ დღეებში ალკოჰოლის გაყიდვის საყოველთაო აკრძალვას ითხოვს.

მანამდე ვრცელდებოდა ინფორმაცია, რომ თვითიზოლაციამ და დისტანციურ მუშაობაზე გადასვლამ რუსებს არაყის სახლში გამოხდისადმი ინტერესი გაუღვივა. მოსახლეობამ მასობრივად დაიწყო არაყის სახდელი აპარატებისა და ალკოყოლის დასამზადებელი ინგრედიენტების შეძენა.