თბილისი (GBC) - დიდმა ბრიტანეთმა კორონავირუსის საწინააღმდეგო ვაქცინა ოფიციალურად დაამტკიცა, რომელიც ამერკულმა და გერმანულმა კომპანიებმა Pfizer–მა და BioNTech–მა შექმნეს.

ამის შესახებ ინფორმაციას სააგენტო როიტერი ავრცელებს.

ვაქცინა დიდი ბრიტანეთის მთელ ტერიტორიაზე უკვე მომავალი კვირიდან იქნება ხელმისაწვდომი.

ნოემბრის ბოლოს გავრცელდა ინფორმაცია, რომ კორონავირუსის საწინააღმდეგო ვაქცინის სავარაუდო ფასი, რომელიც კომპანიებმა Pfizer–მა და BioNTech–მა შექმნეს, 15,5 ევროს შეადგენს ერთ დოზაზე. 300 მილიონი დოზის ფასი, რომლის ყიდვასაც ევროკომისიის ხელმძღვანელი ურსულა ფონ დერ ლაიენი გეგმავს, 4,6 მლრდ ევროს შეადგენს.