თბილისი (GBC) - თბილისში, ტრანზაქციების უმეტესობა ახალ ბინებზე მოდის. უძრავი ქონების სააგენტო „კიბეს“ დამფუძნებლის ნელი გოგუაძის ინფორმაციით,  გაყიდვების 80% ახალ ბინებზე მოდის და მომხმარებელი უპირატესობას  55 მ² დან  70 მ² -მდე ფართის ბინებს ანიჭებს.

გოგუაძის თქმით, ლარის გაუფასურების და კოვიდ პანდებიის გამო „ კიბეს“ გაყიდვები გასულ წელთან შედარებით გაუნახევრდა, თუმცა ფასები უმნიშვნელოდ შეიცვალა.

„თიბისი კაპიტალის“ კვლევით, 2020 წლის მესამე კვარტალში ახალ ბინებზე საშუალო შეწონილი ფასი გასული წლის ანალოგიურ პერიოდთან შედარებით დოლარში 2.1 %-ით შემცირდა ( $ 701 კვ.მ-ზე), ხოლო ლარში საშუალო შეწონილი ფასი 4.4 %-ით ( 2.196 ლარი/კვ.მ) გაიზარდა.

2020 წლის მესამე კვარტალში, პრემიუმ სეგმენრის წილი ახალ ბინებში 6 %-მდე შემცირდა, ხოლო დაბალი სეგმენტის ტრანზაქციების წილი 69%-მფე გაიზარდა.

მიმდინარე წლის მესამე კვარტალში, პრემიუმ სეგმენტის წილმა 8 % შეადგინა ხოლო, დაბალი სეგმენტის ტრანზაქციების წილი 62%-მდე გაიზარდა.