თბილისი (GBC) - სატელეკომუნიკაციო ბაზარზე ცვლილებებია. ინტერნეტ პროვაიდერი კომპანია MAXNET მიკრონეტის 100%-ს ყიდულობს. ამასთან, კომპანიამ YOURNET-სა და niknet-ის შერწყმაზეც გააკეთა განაცხადი. გარიგეგბებზე თანხმობა გასცა კომუნიკაციების კომისიამაც.

მეწარმეთა იურიდიული პირების რეესტრიდან ამონაწერის თანახმად, შპს „MAXNET“-ის წილის 100%-ის მფლობელია ფიზიკური პირი ლევან გაბუნია. შპს „მიკრონეტის“ წილის 100%-ის მფლობელია ფიზიკური პირი გიორგი ციკოლია.

შპს   „MAXNET“   და   შპს   „მიკრონეტი“   ახორციელებენ   ინტერნეტ   მომსახურებას  WiFi ტექნოლოგიის გამოყენებით.

კომუნიკაციების კომისიის მონაცემებით, კომპანიების აბონენტები შემდეგნაირად ნაწილდება:

შპს „MAXNET“ –  8 626 აბონენტი; შპს „მიკრონეტი“ –  6 267აბონენტი.

შპს „MAXNET“-ის შემოსავალმა ავტორიზებული საქმიანობიდან 2020 წლის 9 თვეში შეადგინა 1037026  ლარი,  ხოლო  შპს  „მიკრონეტის“  შემოსავალმა  ავტორიზებული საქმიანობიდან 2020 წლის 9 თვეში შეადგინა -  1 195 801 ლარი.