თბილისი (GBC) - ილონ მასკი ჩამოქვეითდა Tesla-ს დამფუძნებელმა ილონ მასკმა სულ ცოტა ხნით შეინარჩუნა მსოფლიოს უმდიდრეი ადამიანების რეიტინგში მეორე პოზიცია. ოთხშაბათს, ერთ დღეში, მასკმა $8,9 მლრდ დაკარგა და მისი ქონება $135,8 მლრდ–მდე შემცირდა. ამის შესახებ Forbes Real-Time–ის რეიტინგის მონაცემებშია ნათქვამი.

შედეგად, მასკი რეიტინგში მესამე პოზიციაზეა.

ბანკი JPMorgan ოთხშაბათს აცხადებდა, რომ Tesla-ს ფასი გადაჭარბებულია. ამ ინფორმაციის გავრცელებისთანავე ელექტრომობილების მწარმოებლის აქციების ფასი მკვეთრად, 7%–ით დავარდა. ბანკის ანალიტიკოსები ინვესტორებს მოუწოდებენ, არ შეიტანონ საკუთარ პორტფელში კომპანიის აქციები, ვიდრე ისინი S&P 500 ინდექსში არ შევლენ, რაც 21 დეკემბერსაა დაგეგმილი.

„Tesla-ს ფასიანი ქაღალდების თანაფარდობა შემოსავლის ნომინალურ გამოსახულებასთან ძალიან მაღალია ნებისმიერი კომპანიისთვის, ნებისმიერ დარგში და ისტორიის ნებისმიერ მომენტში“, – ნათქვამია JPMorgan–ის ანგარიშში.

მანამდე, სამშაბათს, მასკი უმდიდრესთა რეიტინგში მეორე ადგილზე აღმოჩნდა – 8 დეკემბრის ვაჭრობებზე მისი კაპიტალის მოცულობა $1,6 მლრდ–ით გაიზარდა.