თბილისი (GBC) -2025 წლისათვის  საქართველო 9-10 ათასი ტონა ზეთის ხილის მოსავალს ელოდება. სოფლის მეურნეობის მინისტრის მოადგილის გიორგი ხანიშვილის განცხადებით,  პროექტ  „დანერგე მომავალს“ უკვე 30 ბენეფიციარი ჰყავს, რომლებსაც  სახელმწიფოს მხარდაჭერით ( 3 მლნ ლარი )  540 ჰექტარზე აქვთ ზეთისხილი ბაღები გაშენებული.  გარდა ამის არის დაახლოებით იგივე ფართობზე სახელმწიფოს ჩარევის გარეშე გაშენებული ბაღებიც. საერთო ჯამში ზეთისხილის ბაღების გაშენება 5 დან 10 ათს ჰექტარზე იგეგმება  და როგორც ხანიშვილი ვარაუდობს, უახლოეს 2-3 წელიწადში მოსავალი 1000 ტონას გადააჭარბებს,ხოლო 2025 წლისათვის 9-10 ათას ტონას მიაღწევს.

ზეთის ხილის სამრეწველო დანიშნულებით გაშენება საქართველოში 2017 წელს დაიწყო. კახეთში, კერძოდ წნორში  ზეთისხილის გადამამუშავებელი ქარხანაც ფუნქციონირებს, სადაც ზეითუნის ზეთი იხდება.