თბილისი (GBC) - ოთხშაბათის ვაჭრობებზე ნავთობის ფასი იზრდება. ანალიტიკოსების აზრით, ამის მიზეზი აშშ–ის ნავთობის ინსტიტუტის მიერ გავრცელებული ინფორმაციაა, რომლის თანახმად ქვეყანაში ნავთობმარაგები გასულ კვირაში მოსალოდნელზე მეტად შემცირდა.

თბილისის დროით 13:00 საათისთვის, Brent-ის მარკის ნავთობის თებერვლის ფიუჩერსების ფასი 0,64%–ითაა გაზრდილი და ბარელის ფასი $51,56–ს შეადგენს.

ამერიკული მსუბუქი ნავთობის WTI ფასი ამ დროისთვის 0,75%–ითაა გაზრდილი და ბარელი $48,36 ღირს.

ამერიკის ნავთობის ინსტიტუტის მონაცემებით, გასულ კვირაში ნავთობმარაგები ოქტომბრის შემდეგ ყველაზე მეტი მოცულობით – 4,79 მლნ ბარელით შემცირდა.