თბილისი (GBC) - ნოემბერში (11/2020), რეალური მთლიანი შიდა პროდუქტი (მშპ), წინასწარი შეფასებით, წლიურად (Y.Y) 7.7%-ით შემცირებულია. 2020 წლის 11 თვის საშუალო მაჩვენებელი კი - 5.9% შეადგენს.

11/2020-ში კლება აღინიშნა, მთელ რიგ საქმიანობებში: მშენებლობა, ტრანსპორტი და დასაწყობება, ხელოვნება, გართობა და დასვენება, განთავსების საშუალებით უზრუნველყოფა, საბითუმო და საცალო ვაჭრობა; ავტომობილების და მოტოციკლების რემონტი.

ზრდაა დამამუშავებელი მრეწველობის, საფინანსო და სადაზღვევო საქმიანობების, ინფორმაციისა და კომუნიკაციის, ასევე წყალმომარაგების, კანალიზაციისა და ნარჩენების მართვის სფეროებში.