თბილისი (GBC) - Coindesk–ის მონაცემებით, ყველაზე პოპულარული კრიპტოვალუტა ბიტკოინი კატასტროფულად გაიაფდა.

უკანასკნელი დღე–ღამის განმავლობაში ბიტკოინმა დაახლოებით 12% დაკარგა და თბილისის დროით 15:00 საათისთვის $29 850 ღირდა. Coindesk–ის მონაცემებით, 4 იანვარს დაფიქსირებული მინიმალური ფასი $28 200 იყო. ამასთან, მკვეთრი ვარდნის შემდეგ გრაფიკზე გარკვეული ზრდა ფიქსირდება.

კრიპტოვალუტების ბირჟაზე Binance ბიტკოინი კიდევ უფრო მეტადაა გაიაფებული და დაახლოებით $28 500 ღირს. ამ პლატფორმაზე ყველაზე ძვირი კრიპტოვალუტის ფასი 15%–ით დავარდა.

ბოლო დღეებში ბიტკოინმა რამდენიმე ისტორიული რეკორდი მოხსნა. 2020 წელს კი მისი ფასი რამდენჯერმე გაიზარდა, გასული წლის იანვრის $7 400–იანი ნიშნულიდან. ამის შემდეგ ექსპერტები ვარაუდობენ, რომ უკვე 2021 წელს ბიტკოინის ფასი $100 000–ს მიაღწევს.