თბილისი (GBC) - ბიტკოინი რეკორდული $41.921,7188–დან $33.676,8–მდე დავარდა. კრიპტოვალუტა ორშაბათის სესიაზე, თბილისის დროით 10:15 საათისთვის, $33.676,8 ნიშნულზე ივაჭრებოდა. Investing.com–ის ინდექსის მონაცემებით, დღიურმა ვარდნამ 20,22% შეადგინა. ეს ამ კრიპტოვალუტის ყველაზე გრანდიოზული ვარდნაა 2020 ლის 12 მარტის შემდეგ.

მკვეთრმა ვარდნამ ბიტკოინის საბაზრო კაპიტალიზაციაც შეამცირა $637,7 მლრდ–მდე, რაც მთლიანი კრიპტობაზრის 67,79%–ს შეადგენს. მანამდე ბიტკოინის კაპიტალიზაცია პიკურ მაჩვენებელზე იდგა – $758,5 მლრდ.

ბოლო დღე–ღამის განმავლობაში ბიტკოინის სავაჭრო დიაპაზონი $33.676,8–დან $38.217,2–მდე მერყეობდა.