თბილისი (GBC) - დეფექტის გამო აშშ–ში Tesla-ს 158 000 ელექტრომობილის გაწვევა მოითხოვეს. აშშ–ის ტრანსპორტის სამინისტროს საგზაო უსაფრთხოების ნაციონალურმა სამმართველომ კომპანია Tesla-ს, შესაძლო დეფექტის გამო, ბაზრიდან 158 000 მანქანის გაწვევა მოსთხოვა. ამის შესახებ სააგენტო როიტერი რეგულატორის წერილზე დაყრდნობით წერს.

დოკუმენტში საუბარია ელექტრომობილებზე Model S და Model X. რეგულატორის მტკიცებით, გაუმართაობები მართვის მთავარ ბლოკში, კერძოდ დისპლეებშია აღმოჩენილი.

კომპანია Tesla მეწარმე ილონ მასკმა 2003 წელს დააფუძნა. თავდაფირველად კომპანია მხოლოდ ელექტრომობილების წარმოებაზე იყო ორიენტირებული, თუმცა მოგვიანებით გააფართოვა თავისი საქმიანობა – დაიწყო მზის ბატარეებისა და ენერგოშემგროვებელი სისტემების წარმოება.