თბილისი (GBC) - Colliers International Georgia საცხოვრებელი უძრავი ქონების ბაზრის 2020 წელს აჯამებს. გასულ წელს, ტრანზაქციების რიცხვი ახალ და ძველ პროექტებში 18%-ით არის შემცირებული.

სუბსიდირების პროგრამის შედეგად, გასული წლის მეორე ნახევარში, წინა წლის ანალოგიურ პერიოდთან შედარებით, ახალაშენებული ბინების ბაზარი 13%-ით გაუმჯობესდა. ახალაშენებული ბინების საშუალო შეწონილი ფასი მთაწმინდაზე 9%-ით გაიზარდა, გლდანში და ნაძალადევში კი 7%-ით.

თბილისში ახალაშენებული ბინების რაოდენობა 14%-ით ნაკლებია წინა წელთან შედარებით, ხოლო ძველ ბინებზე რეგისტრირებული ტრანზაქციების რიცხვი 26%-ით შემცირდა და 8,593 ერთეული შეადგინა.

ფასები შემცირდა ბათუმში - კერძოდ ახალაშენებული ბინების ფასმა საშუალოდ 6%-ით იკლო. ბათუმში შემცირებულია ტრანზაქციების მოცულობაც, კერძოდ ახალ და ძველ აშენებულ საცხოვრებელ ბინებზე ჯამში 29%-ით.