თბილისი (GBC) - ბიტკოინი პარასკევს, 22 იანვარს ფასს კარგავს. თbილისის დროით 10:30 საათისთვის პირველი კრიპტოვალუტის ფასი $32 005,43–ს შეადგენდა. CoinMarketCap-ის მონაცემებით, რომელიც 20–ზე მეტ ბირჟაზე დაკვირვებით ადგენს ბიტკოინის საშუალო კურსს, ღამით პოპულარული მონეტების ფასი $30 000–იან ნიშნულსაც კი ჩამოსცდა.

სწორეთ ფსიქოლოგიურ ზღვარს მიღმა ჩავარდნამ განაპირობა ინვესტორების გააქტიურება და მთავარი კრიპტოვალუტით ვაჭრობის მოცულობა რეკორდულად გაიზარდა და მანამდე არნახულ ნიშნულს მიაღწია – $90 მლრდ.

კრიპტობაზრის ანალიტიკოსების აზრით, ვაჭრობის მოცულობის ასეთი ზრდა მიანიშნებს, რომ სცენაზე ისეთი ინვესტორები გამოვიდნენ, რომლებიც მიიჩნევენ, რომ ბიტკოინის $30 000–იან ნიშნულზე დაბალ ფასად შეძენა სარფიანი იქნება მათთვის.