თბილისი (GBC) -TBC კაპიტალი ელის რომ წლის ბოლოსთვის ინფლაციის მაჩვენებელი 6%-ს მიაღწევს, საშუალო მაჩვენებელი კი დაახლოებით 4.8% იქნება. აღნიშნული პროგნოზი შემდეგ დაშვებებს ეფუძნება:

„2021 წელს მშპ-ის 4.0%-იანი ზრდა; სასაქონლო ფასების მაღალი ზრდა; საქართველოს მთავარ ეკონომიკური პარტნიორი ქვეყნების საშუალო ნომინალური გაცვლითი კურსების მეტნაკლები სტაბილურობა; და მათი ინფლაციის მაჩვენებლების, როგორც მინიმუმ, ზომიერი ზრდა. საბაზო სცენარის მიხედვით, ზემოთ მოყვანილი მიზეზებიდან გამომდინარე, ჩვენ ვფიქრობთ, რომ ინფლაციის ეს დონე სების ტოლერანტობის ზღვართან ახლო, ან მეტიც კი არის,. აქედან გამომდინარე, ვფიქრობთ, რომ ეროვნულ ბანკს შედარებით მკაცრი ჩარჩო ექნება, განსაკუთრებით ლარის კიდევ უფრო გაუფასურების შემთხვევაში. ამავე დროს, პესიმისტური სცენარის განვითარების შემთხვევაში შედარებით მაღალი ტოლერანტობის დონეა მოსალოდნელი, სადაც დაბალ სასაქონლო ფასებსა და მოთხოვნას ინფლაციაზე დაღმავალი ზეწოლა ექნება, თუმცა გაცვლითი კურსის მოსალოდნელი გავლენა კვლავ მაღალი იქნება“.