თბილისი (GBC ) -მიმდინარე წლის იანვარ - თებერვალში გასული წლის ანალოგიურ პერიოდთან შედარებით ბაქო თბილის ერზრუმის გაზსადენით გატარებული ბუნებრივი აირის მოცულობა 47%-ით გაიზარდა და  2.9 მლრდ. კუბური მეტრი შეადგინა. აზერბაიჯანის სტატისტიკის სამსახურის მონაცემებით აზერბაიჯანის მიერ იმპორტირებული გაზის 45 % ბაქო-თბილისი-ერზრუმის გაზსადენმა გაატარა.

აზერბაიჯანული გაზი ევროპას სამხრეთი გაზის კორიდორის სამი მილსადენის – „სამხრეთ კავკასიური მილსადენის გაფართოება“ (SCPX), „ტრანს-ანატოლიური“ (TANAP) და „ტრანს-ადრიატიკული“ მილსადენების (TAP) მეშვეობით მიეწოდება.

ევროპა ბუნებრივ აირს უშუალოდ TAP-ის მეშვეობით იღებს. ამ გაზსადენმა ბულგარეთის მთელი ბუნებრივი აირის საჭიროების 33%, საბერძნეთის 20% და იტალიის 10,5% უნდა უზრუნველყო.

აზერბაიჯანის მხარის ინფორმაციით,  ჯამურად, სამხრეთის გაზის კორიდორის გამტარუნარიანობა 2023 წლისათვის 23 მილიარდ კუბური მეტრამდე, ხოლო 2026 წლისთვის  31 მილიარდ კუბურ მეტრამდე უნდა გაიზარდოს.