თბილისი ( GBC) -„რიყის დოქების“ გასაყიდად გამოცხადებული ტენდერის დასრულებამდე ექვსი დღე რჩება. ქალაქ თბილისში, რიყის ტერიტორიაზე (ნაკვეთი N65/061) არსებული 14591.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული N1 შენობა-ნაგებობა ( რიყის დოქები ) 71.3 მლიონ ლარად იყიდება. ტენდერი მიმდინარე წლის 30 მარტს გამოცხადდა და 13 აპრილს სრულდება.  ობიექტის გასაყიდად ტენდერი უკვე მესამედ გამოცხადდა. თავდაპირველად ობიექტის გასაყიდ ფასად 95 მილიონი ლარი დასახელდა. მეორე ტენდერი მიმდინარე წლის 5 მარტს უშედეგოდ დასრულდა. „რიყის დოქების“ გაყიდვას მთავრობა  პროგრამა „100 საინვესტიციო შეთავაზება ბიზნეეს“ ფარგლებში ცდილობს.