ნავთობისა და გაზის კორპორაციის შემოსავლები და მოგება მზარდია. არაუდირებული ფინანსური მონაცემების მიხედვით, სახელმწიფო კომპანიამ გასული წლის პირველ ნახევარში 486.6 მლნ ლარის შემოსავალი მიიღო, 2019 წლის 433.8 მლნ ლარის ნაცვლად.

რაც შეეხება მოგებას - კომპანიის წმინდა მოგება 6 თვეში 45.1 მლნ ლარია, რაც წლიურად 13 მლნ ლარით გაზრდილი მაჩვენებელია.

ნავთობისა და გაზის კორპორაცია 100%-ით სახელმწიფოს მფლობელობაშია.

გასულ წელს საქართველოს ნავთობისა და გაზის კორპორაცია ევროპის რეკონსტრუქციისა და განვითარების ბანკისგან 217 მილიონი ევრო მიიღო, რომელიც ევროობლიგაციების რეფინანსირებისთვის გამოიყო. სესხის ხელშეკრულება საქართველოს ნავთობისა და გაზის კორპორაციის მიერ ლონდონის საფონდო ბირჟაზე განთავსებული 250 მილიონი აშშ დოლარის ღირებულების ევროობლიგაციების სრულ რეფინანსირებას ითვალისწინებს. არსებული ევროობლიგაციები კორპორაციამ 2016 წელს 5 წლის ვადით განათავსა და გრაფიკის მიხედვით იგი სრულად 2021 წლის აპრილში უნდა დაფარულიყო.