თბილისი (GBC) - მსოფლიო ბანკმა საქართველოს ეკონომიკური ზრდის პროგნოზი გაზარდა. ბანკის უახლესი ანგარიშის მიხედვით, საქართველოს ეკონომიკა 6%-ით გაიზრდება, რაც იანვრის პროგნოზთან შედარებით 2%-ით გაზრდილი მაჩვენებელია. ბანკმა გადახედა 2022 წლის პროგნოზსაც და ის 5%-ით განისაზღვრა, რაც წინა პროგნოზთან შედარებით 1%-ული პუნქტით შემცირებული მაჩვენებელია.

ეკონომიკური ზრდის პროგნოზს გადახედა მთავრობამაც და ის 6.5%-ით განისაზღვრა. თუკი მთავრობის მოლოდინი გამართლა, 2021 წლის ბოლოს საქართველო 2019 წლის მაჩვენებელს დაუბრუნდება და მას მცირედით გაასწრებს.

შეგახსენებთ, რომ აპრილში საქართველოში რეკორდული 44.8%-იანი ეკონომიკური ზრდა დაფიქსირდა. გასული წლის აპრილში ეკონომიკური ვარდნა 16%-ს შეადგენდა. საქსტატის მონაცემებით, 2019 წელთან შედარებით აპრილში ეკონომიკა 19%-ზე მეტად გაიზარდა.