თბილისი (GBC) - ვინ არიან ჩვენი მტრები და სად, უნდა ვიცოდეთ. ნატომ უნდა განსაზღვროს სტრატეგიული პრიორიტეტები, - საფრანგეთის პრეზიდენტმა ჟურნალისტებს განუცხადა, რომ ნატო-ს სჭირდება სტრატეგია რუსეთთან ურთიერთობებში, ჩინეთი კი არ უნდა იყოს ალიანსისთვის პრიორიტეტული.

მაკრონის განცხადებით, ნატო უნდა იყოს მომთხოვნი რუსეთის მიმართ, როდესაც საქმე ეხება მოსკოვის შემოჭრებს. კიბერთავდასხმებს და დაშინებას, თუმცა ამავე დროს აუცილებელია ევროპის გეოგრაფიის გათვალისწინება.

„ვფიქრობ, ორგანიზაციას სჭირდება მშვიდობიანი ჩარჩო რუსეთთან, თუმცა ამავე დროს მომთხოვნი, მაშინ როდესაც სახეზეა რუსეთის შემოჭრები, კიბერთავდასხმები, დაშინება, მაგრამ ასევე გასათვალისწინებელია ევროპის გეოგრაფია. ორგანიზაცია სჭირდება მკაფიოდ განსაზღვრული ჩარჩო შეიარაღების კონტროლთან დაკავშირებით, რაც დღეს არ გვაქვს. ჩვენ უნდა ვიცოდეთ, ვინ და სად არიან ისინი“, – განაცხადა მაკრონმა

ამასთან, ჩინეთზე საუბრისას საფრანგეთის პრეზიდენტმა განაცხადა, რომ მისი მოსაზრებით, ეს საკითხი ნატო-სთვის პრიორიტეტული არ უნდა იყოს, რადგან, ჩინეთი ატლანტიკის გეოგრაფიის ნაწილი არ არის.  

წყარო: საზმაუ