თბილისი (GBC) - მთავრობას ბანკებმა სესხი გაუძვირეს. ფინანსთა სამინისტრომ 1 წლიანი სახაზინო ვალდებულებებით, 14 სექტემბერს, სებ-ში გამართულ აუქციონზე 15 000 000 ლარი, 9.2% -ად მოიზიდა.

აუქციონში 3 კომერციული ბანკი მონაწილეობდა. მოთხოვნამ შეადგინა 41 250 000 ლარი, მიწოდებაზე თითქმის 3-ჯერ მეტი. 364 დღიანი ფასიანი ქაღალდების განაკვეთი  წლიურად (Y.Y) 15%-ით გაზრდილია (1.24%-ული პუნქტით). სამშაბათის აუქციონზე  მინიმალური, მაქსიმალური და საშუალო შეწონილი საპროცენტო განაკვეთი 9.24%-ით განისაზღვრა (L/Y - 8%).

მთავრობის სხვადასხვა ვადიანობის  ქაღალდები სებ-ს, რეზიდენტ და არარეზიდენტ ბანკებს უჭირავს. აგვისტოში არარეზიდენტების მფლობელობაში არსებული ლარის სახელმწიფო ფასიანი ქაღალდების  16%-ით კლებაზე TBC კაპიტალის  ბოლო კვლევაშია აღნიშნული.

106 მილიონიანი კლების მიზეზად ვირუსის დელტა შტამის გავრცელება სახელდება. ასევე აგვისტოს ბოლოს ჯექსონ ჰოლის სიმპოზიუმზე ამერიკის ფედერალური სარეზერვო სისტემის მოსალოდნელი განცხადება უნდა ყოფილიყო, რადგანაც მანამდე მონეტარულ  პოლიტიკის გამკაცრებაზე  იყო გარკვეული მინიშნებები. სენტიმენტები შედარებით გაუმჯობესებულია და ლარის ფასიან ქაღალდებში არარეზიდენტების წილის ზრდას ვარაუდობენ.

სახაზ. ფასიანი ქაღალდები მფლობელების მიხედვით (მლნ ₾) 08/2020-08/2021

წყარო: ეროვნული ბანკი