თბილისი (GBC) -  ფეისბუქი სამსახურში თანამშრომლების აყვანის დისკრიმინაციიული მიდგომისთვის ჯარიმისა და კომპენსაციის სახით 14 მილიონამდე დოლარს გადაიხდის. კომპანიასთან მიღწეული შეთანხმების შესახებ აშშ-ის იუსტიციის დეპარტამენტში განაცხადეს. (წყარო: საზმაუ)

იუსტიციის დეპარტამენტის სამოქალაქო უფლებების განყოფილების განცხადებით, ამერიკული კომპანია სისტემატურად ეუბნებოდა უარს დასაქმებაზე აშშ-ის მოქალაქეებს და უპირატესობას სამუშაო ვიზის მქონე იმიგრანტებს ანიჭებდა.

უწყების ცნობით, ჯარიმის სახით „ფეისბუქი“ 4,75 მილიონ დოლარს გადაიხდის, ხოლოდ 9,5 მილიონ დოლარს დაჯარიმებულ მოსარჩელეებს კომპენსაციის სახით.

აშშ-ის ადმინისტრაციამ კომპანია „ფეისბუქის“ წინააღმდეგ სარჩელი გასული წლის ბოლოს, დონალდ ტრამპის პრეზიდენტობის ბოლო თვეებში შეიატანა. იუსტიციის დეპარტამენტის ბრალდების ტანახმად, 2018 წლის იანვრიდან 2019 წლის სექტემბრამდე პერიოდში კომპანიამ დაჯავშნა 2 600-ზე მეტ ვაკანსია H-1B-ის ტიპის ვიზის მქონე მაღალკვალიფიციური უცხოელი სპეციალისტებისთვის, რომლებისთვისაც აშშ-ში მუდმივი ბინადრობის უფლება მოითხოვა. იუსტიციის დეპარტამენტმა „ფეისბუქის“ ამგვარი მიდგომა აშშ-ის მოქალაქეების მიმართ დისკრიმინაციულად მიიჩნია.