თბილისი (GBC) - სილქნეტის შემოსავლები ლარში 1H21-ში 13 მლნ ლარით გაიზარდა 197.8 მლნ ლარამდე (+6.9% y.y), ხოლო შემოსავლებმა დოლარში $59.6 მლნ შეადგინა (-2.36%/y.y).

ზრდა ძირითადად განპირობებული იყო კომერციული შემოსავლების 5.2%-იანი წლიური ზრდით.

ამავე დროს, გაზრდილი შემოსავალი ძირითადად 2Q21-ში პანდემიასთან დაკავშირებული შეზღუდვების შემსუბუქების გამო, უკეთესი მუშაობის შედეგი იყო, რასაც თავის მხრივ დიდი გავლენა ჰქონდა მობილურ სერვისებზე.

იმავე პერიოდში EBITDA 4.5%-ით გაიზარდა (y.y), ხოლო EBITDA-ს მარჟა 1.2 პ.პ-ით (y.y).

გაუმჯობესებული EBITDA ძირითადად ორგანულმა ზრდამ განაპირობა, ხოლო შემცირებული მარჟა ლარის დოლართან მიმართებაში 10%-ით გაუფასურების, ასევე კომუნალური ხარჯების გაზრდის შედეგი იყო.

მთლიანი კომერციული შემოსავლების 52.5%, მობილური სერვისებიდან შემოსავალი საანგარიშო პერიოდში 7.1%-ით გაიზარდა (y.y).

მობილური სერვისების აბონენტების რაოდენობა 1H21-ში 2.59%-ით გაიზარდა (y.y) და 1.69 მლნ-ს მიაღწია.

მომსახურების სეგმენტის ARPU (თითო აბონენტიდან მიღებული საშუალო შემოსავალი) უფრო მაღალი ტემპით გაიზარდა და +7.3% შეადგინა.

ბაზრის წილების მცირე კლება დაფიქსირდა მობილურ, ფიქსირებულ ინტერნეტსა და ფასიანი ტელევიზიის კატეგორიებში 1H21-ში.