თბილისი (GBC) - საქართველოში ონლაინ კაზინოების რეგულაციები გამკაცრდება, სამომავლოდ კი მსგავსი ბიზნესი სრულად აიკრძალება - ამის შესახებ დღეს ინიციატივები პრემიერ-მინისტრმა გააჟღერა. კონკრეტულ გეგმას ფინანსთა სამინისტრო 1 კვირაში წარადგენს.  შემოვა დაბეგვრის ახალი მექანიზმი, რომელიც გულისხმობს ფსონებს შორის განსხვავების დაბეგვრას. მნიშნველოვანია, რომ დაბეგვრის აღნიშნულ მოდელზე საგადასახადო ტვირთი იქნება საკმაოდ მაღალი და იმ ფორმით, რომ შეამცირებს მიმზიდველობას ამ სექტორში ჩართული მოთამაშეებისთვის“, – განმარტა ფინანსთა მინისტრმა, ლაშა ხუციშვილმა.

სათამაშო ბიზნესი ბიუჯეტის ერთ-ერთი მნიშვნელოვანი კონტრიბუტორია. მხოლოდ  სამორინეს, სათამაშო აპარატების სალონის, ტოტალიზატორის, ლოტოს, ბინგოს და წამახალისებელი გათამაშების მოწყობის ნებართვაზე მოსაკრებლის სახით ბიუჯეტმა 10 თვეში შემდეგი თანხა მიიღო:

·        2021 - 36 მლნ

·        2020-ში 11.6 მლნ

·        2019-ში - 35.9 მლნ

სათამაშო ბიზნესის მოსაკრებელი

·        2021 – 55.8 მლნ ლარი

·        2020 – 16 მლნ ლარი

·        2019 – 97.4 მლნ ლარი

აზარტული თამაშების საქმიანობებით დაკავებული საწარმოების ბრუნვის მოცულობა კი ყოველწლიურად მზარდია, მსგავს დაწესებულებებში 2020 წელს 9864 პირი იყო დასაქმებული