თბილისი (GBC) - საქართველომ “თელასის“ მფლობელ რუსულ კომპანია „ინტერ რაოსთან“ საარბიტრაჟო დავა წააგო. სტოქჰოლმის არბიტრაჟმა ქვეყანას 80.5 მილიონი დოლარის კომპანიისთვის გადახდა დაავალდებულა, თუმცა ქვეყანა ამ გადაწყვეტილების გასაჩივრებას გეგმავს. იუსტიციის სამინისტროში ამბობენ, რომ სამართლებრივი დავა გრძელდება.

თავდაპირველად რუსული კომპანია ანაზღაურების სახით 200 მილიონ დოლარს ითხოვდა, ახლა კი საქართველოსთვის დაკისრებული 80 მილიონის, 100 მილიონ დოლარამდე გაზრდას ითხოვს.

საქმე ეხება კურსთა შორის სხვაობით კომპანიისთვის მიყენებულ ზიანს. კერძოდ, თელასის მფლობელი კომპანია მიიჩნევდა, რომ ლარის გაუფასურების გამო მათ ათობით მილიონი ლარი იზარალეს, ეს თანხა კი ელექტროენერგიის ტარიფში არ ასახულა.