თბილისი (GBC) – Georgian Water and Power-ის 80%-ის (Georgia Capital-ის შვილობილი კომპანიის, GGU-ს 65%) Aqualia-ს მიერ ყიდვის პროცესი დასრულდა და ანგარიშსწორებაც შესაბამისად განხორციელდა.

შეთანხმების მეორე ეტაპი, რომელიც GGU-ს  წყალმომრაგებისა და განახლებადი ენერგიების ბიზნესის გაყოფას გულისხმობს, მოსალოდნელია, რომ ივლისი / აგვისტოს პერიოდში განხორციელდება, რის შედეგადაც, წყალმომრაგების ბიზნესში GGU-ს 20%-იანი ინტერესი, ხოლო განახლებადი ენერგიის ბიზნესში 100%-იანი ინტერესი დარჩება. მეორე ეტაპი ასევე მწვანე ბონდების განახლებადი ენერგიის ბიზნესის პორციის - $94.5 მლნ-ის რეფინანსირებას გულისხმობს.

კომპანია ბოლო მონაცემებით 225 მლნ-ად იყო შეფასებული. Aqualia-მ კი უკვე კუთვნილი წილი $180 მლნ-ად იყიდა.

„მომდევნო რამდენიმე წლის განმავლობაში მოუთმენლად ველით მჭიდრო თანამშრომლობას Aqualia-სთან, როგორც მათი მინორიტარული პარტნიორი GGU-ში“, - განაცხადა ირაკლი გილაურმა, GCAP-ის თავმჯდომარემ და CEO-მ.