თბილისი (GBC) - სარეიტინგო სააგენტო Fitch მიმდინარე წელს ტურისტული შემოსავლების 80%-მდე აღდგენას ელოდება 2019 წელთან შედარებით.  გამოდის რომ 2022 წელს საქართველო ტურიზმიდან ორჯერ მეტ თანხას მიიღებს ვიდრე 2021 წელს. მიუხედავად ამისა კვლავ მოკრძალებული რჩება მთლიანი შიდა პროდუქტის ზრდის ტემპის პროგნოზი, კერძოდ Fitch მიმმდინარე წელს ეკონომიკის 5.5%-იან ზრდას ელის, 2023 წელს კი 5.3%-იანს. ამ პროგნოზებს კი თან ახლავს შემცირების რისკი, რაც ძირითადად პანდემიას და ქვეყანაში ვაქცინაციის დაბალ ტემპს უკავშირდება. 

ამასთან რისკად რჩება პოლიტიკური არასტაბილურობა როგორც ქვეყნის გარეთ, ასევე მის შიგნით. სააგენტო აღნიშნავს რომ მკვეთრად პოლარიზებული პოლიტიკური გარემო ხელს უშლის სტრუქტურული რეფორმების გატარებას, რაც ნეგატიურად ისახება ეკონომიკაზე.