თბილისი (GBC) – ევროპის ერთ-ერთი უმსხვილესი ნავთობკომპანია Wintershall Dea-ს გენერალურმა დირექტორმა მარიო მერენმა განაცხადა, რომ რუსეთის სამხედრო ოპერაცია უკრაინაში ნიშნავს რუსეთსა და ევროპას შორის მრავალი წლის მანძილზე მიღწეული ეკონომიკური თანამშრომლობისთვის ძირის გამოთხრას.

„რუსეთის პრეზიდენტ,ა გასცა ბრძანება უკრაინის წინააღმდეგ სამხედრო ოპერაციის დაწყების თაობაზე. ჩვენ ამ ესკალაციას თვალს შეშფოთებით ვადევნებთ. ადამიანები იღუპებიან. ჩვენ შოკში ვართ ყველაფერი ამისგან“ - განაცხადა მერენმა.

მისი თქმით, აგრესიას შორს მიმავალი შედეგები ექნება.

„ჩვენი ბევრი კოლეგა მუშაობს რუსეთთან ერთობლივ საწარმოებში, მათთვის, ისევე, როგორც ყველა ჩვენთვის მძიმე დარტყმაა“ - განაცხადა მან. კომპანია Wintershall Dea არის „გაზპრომის“ ერთ-ერთი პარტნიორი, და გაზსადენ „ჩრდილოეთ ნაკადი-2“-ს აქტიური მონაწილე და 15,5%-ს თანამფლობელი.