თბილისი (GBC) – სამშაბათის ვაჭრობაზე ბიტკოინის ფასი 5,5%–ით არის გაზრდილი და ვაჭრობის მონაცემების თანახმად, $20,2 ათასზე მეტად ივაჭრება.

ვაჭრობის მოცულობების მიხედვით უმსხვილეს კრიპტო ბირჟაზე Binance ბიტკოინი 5,6%–ით გაძვირდა და ფასმა $20 210–ს მიაღწია.

პორტალის CoinMarketCap მონაცემებით, რომელიც არანაკლებ 20 კრიპტობირჟის საშუალო ფასებს ითვლის, ბიტკოინის ზრდამ 5,7%–ს მიაღწია – საშუალოდ ასევე $20 210–ს.

კრიპტოვალუტა პოზიციების დაბრუნებას ივნისის ბოლოსა და ივლისის დასაწყისში 6–დღიანი ვარდნის შემდეგ ცდილობს. ამ პერიოდში ბიტკოინის ფასი საშუალოდ 10%–ით დავარდა.

ივნისში ბიტკოინი 37%–ით გაიაფდა. თვის დასაწყისში მისი ფასი $32 000–ს უდრიდა. გაზაფხულის განმავლობაში ეტალონური კრიპტოვალუტის ფასი 26%–ით შემცირდა, ხოლო წლის დასაწყისიდან 2,3–ჯერ ($46,2 ათასიდან).