თბილისი (GBC) – სს ,,საქართველოს რკინიგზის’’ მიერ 9 ივნისს გამოცხადებულ შესყიდვის ელექტრონულ პროცედურაში შპს ,,დინა’’ უკონკურენტოა.  ელექტრონული პროცედურა საკონტაქტო ქსელის საკიდი კვანძების შეძენას მოიცავს. კომპანია ,,დინა’’ მიწოდებას პროცედურით გათვალისწინებული თანხით 635 ათასი ლარით შეასრულებს. წინადადებების მიღება 11 ივლისს დამთავრდა და დინა უკონკურენტოა.

კომპანია ვალდებულია, ორგანიზაციას ხელშეკრულების გაფორმებიდან 120 კალენდარულ დღეში მიაწოდოს საქონელი.

ტენდერების მონიტორის ინფორმაციით, კომპანია „დინას“ 102 ტენდერში აქვს მონაწილეობა მიღებული და 85 მათგანში გამარჯვებულია. მოგებული ტენდერების სავარაუდო ღირებულება  31.8 მლნ ლარია.

კომპანია „დინა“ რეგისტრირებულია ქალაქ ქუთაისში. მისი მფლობელთა სტრუქტურა კი ასეთია:

ნათია თოდუა 50%.

ნუნუ გედენიძე 50%.