თბილისი (GBC) – Bloomberg-ის სავაჭრო პლატფორმაზე სამშაბათს მიმდინარე სესიაზე ლარი ბოლოდროინდელ გამყარებს ტრენდს წყვეტს და თბილისის დროით 13:40 საათისთვის $1 2,79 ლარი ღირს. ლარის გამყარების ზღვართან მიახლოებაზე მანამდე, ორშაბათს, თიბისი კაპიტალი წერდა და ანალიტიკოსები ამბობდნენ, რომ ლარის კიდევ უფრო მეტ გამყარებას არ ელოდებიან.

„წინა კვირაში ლარის გამყარება ასევე ჩვენი მოლოდინების შესაბამისი იყო. ამასთან, კვლავ ვინარჩუნებთ შეფასებას, რომ თუ საერთაშორისო ბაზრებზე დოლარი არ დასუსტდა, მართალია წმინდა სავალუტო შემოდინებები ძლიერი დარჩება, მაგრამ ლარის დამატებით მნიშვნელოვანი გამყარება უკვე ნაკლებ სავარაუდოა და ჭარბი შემოდინებებით უფრო ეროვნული ბანკის რეზერვების შევსება მოხდება. საამისო არგუმენტები ლარის სხვა ვალუტებთან მიმართებით საშუალო კურსი და ჩვენი შეფასებით, ინფლაციის შემცირების მოლოდინია“, – ნათქვამია თბილისი კაპიტალის ყოველკვირეულ განახლებაში.