თბილისი (GBC) - ჩინეთის დაგეგმილ ეკონომიკურ ზრდას სავარაუდოდ ვერ მიაღწევს. მთავრობის განცხადებით, მიზეზი Covid-ის შეზღუდვებია. ბრიტანული BBC-ს მიერ გავრცელებული ინფორმაციის თანახმად, აღნიშნული შეზღუდვები ამძიმებს მსოფლიოს სიდიდით მეორე ეკონომიკას.

ხუთშაბათს ჩინეთის პოლიტბიურომ - მმართველი კომუნისტური პარტიის პოლიტიკის შემუშავების უმაღლესმა ორგანომ –  განაცხადა, რომ მისი მიზანია შეინარჩუნოს ზრდა "გონივრულ დიაპაზონში". გუშინდელ განცხადებაში საერთოდ აღარაა ნახსენები წინანდელი  5.5%-იანი ზრდის პროგნოზი.

ჩინეთი აგრძელებს ,,ნულოვანი კოვიდპოლიტიკის’’ გატარებას, რომელიც ქალაქების სრულ, ან ნაწილობრივ ჩაკეტვას გულისხმობს.

თუმცა, ჩინეთის მთავრობა მოუწოდებს ეკონომიკურად ძლიერ პროვინციებს, რომ იმუშაონ თავიანთი მაქსიმალური ზრდის  მისაღწევად.