თბილისი (GBC) – უზბეკეთის საგარეო საქმეთა მინისტრმა ვლადიმირ ნოროვმა თურქეთის, აზერბაიჯანისა და უზბეკეთის საგარეო, ეკონომიკისა და ტრანსპორტის მინისტრების პირველ შეხვედრაზე ტაშკენტში განაცხადა, რომ სამმა ქვეყანამ ეკონომიკური დერეფნები უნდა ჩამოაყალიბონ.

„როგორც საკვანძო ჰაბებმა თავის რეგიონებში, უზბეკეთმა, აზერბაიჯანმა და თურქეთმა სატრანზიტო დანიშნულების გარდა უნდა შეითავსონ ეკონომიკური დერეფნების ჩამოყალიბებაც ამ სატრანზიტო მარშრუტებზე. ეს გულისხმობს სამრეწველო–ლოგისტიკური და სარეალიზაციო პუნქტების შექმნას“, – თქვა ნოროვმა.

მისივე აზრით, ქვეყნებს ეს საშუალებას მისცემს, აწარმოონ და მაღალი დამატებითი ღირებულებით მიაწოდონ გარე ბაზრებს თავისი პროდუქცია.

მანამდე, სამშაბათს, აღნიშნულ შეხვედრაზე უზბეკეთმა, აზერბაიჯანმა და თურქეთმა ტაშკენტის დეკლარაციას მოაწერეს ხელი, რომლის მიზანია სამ ქვეყანას შორის ურთიერთობების გამყარება