თბილისი (GBC) - აზერბაიჯანი და უზბეკეთი ერთობლივი პროექტების რეალიზაციის მიზნით $500–მილიონიან საინვესტიციო ფონდს ქმნიან.

ამის შესახებ სამთავრობოთაშორისო კომისიის სხდომაზე განაცხადეს, ნათქვამია უზბეკეთის ინვესტიციებისა და საგარეო ვაჭრობის სამინისტროს განცხადებაში.

„გადავწყვიტეთ, ერთ კვირაში შევიმუშაოთ საგზაო რუკა, რომელიც ფონდის სწრაფად შექმნაზე იქნება მიმართული“, – თქვა კომისიის თანათავმჯდომარემ, უზბეკეთის ვიცე–პრემიერმა ჟამშიდ ხოჯაევმა.

აზერბაიჯანის ეკონომიკის მინისტრს და კომისიის თანათავმჯდომარეს მიკაილ ჯაბაროვს მიაჩნია, რომ ორ ქვეყანას შორის საინვესტიციო თანამშრომლობა უნდა გააქტიურდეს. მისივე თქმით, პრიორიტეტულ მიმართულებას ენერგოსექტორი წარმოადგენს.