თბილისი (GBC) - რუსეთის ცენტრალური ბანკი დევალუტიზაციის დაჩქარების მიზნის ახალი ზომების გატარებას გეგმავს.

„რუსეთის ბანკი ხელს შეუწყობს დევალუტიზაციის ბუნებრივ პროცესს და დამატებით ზომებს მიმართავს, რომლებიც მიმართულია ასეთ ვალუტებში საბანკო ოპერაციების შემცირებისკენ“, – ნათქვამია რუსეთის ბანკის განცხადებაში, რომელიც ოფიციალურ საიტზე გამოაქვეყნეს.

გარდა ამისა, რეგულატორი დაბლოკილი რუსული აქტივების პრობლემის გადაჭრაზეც იმუშავებს. ბანკი კომპანიების მიერ არამეგობრული ქვეყნების ვალუტებში დაგროვილი სახსრების სხვა ვალუტებში კონვერტაციას გეგმავს.

ცენტრალური ბანკის ინფორმაციაში ნათქვამია, რომ არ გამორიცხავენ ახალი ზომების გატარებას რეალური სექტორის კომპანიებისთვის „ტოქსიკურ“ ვალუტებში ოპერაციების წარმოების დემოტივაციისთვის.