თბილისი (GBC) - ივლისში შემოსავლების სამსახურის გამოცხადებულ ელექტრონულ ტენდერში შპს ,,გსმ სერვისი’’ იმარჯვებს.  ტენდერი მოიცავს შემოსავლების სამსახურის ბალანსზე არსებული 24 ავტომობილის შეკეთებასა და ტექნიკურ მომსახურებას.

შემოსავლების სამსახურის შეთავაზებულ 1.1მლნ ლარის ღირებულების ხელშეკრულებას, შპს ,,გსმ სერვისი’’ 781.8 ათას ლარად განახორციელებს.

ტენდერის პირობების მიხედვით,მიმწოდებლის მიერ შეცვლილ სათადარიგო ნაწილებზე ქარხნული გარანტია უნდა ვრცელდებოდეს მინიმუმ 1 წლის განმავლობაში.

პრეტენდენტს 2019 წლის 20 ივლისიდან, ტენდერის გამოცხადების დღემდე, უნდა გააჩნდეს, ავტოსატრანსპორტო საშუალებების შეკეთებისა და ტექნიკური მომსახურების სფეროში გამოცდილება და ამ პერიოდის განმავლობაში გაწეული მომსახურების ღირებულება არ უნდა იყოს 400 000.00 ლარზე ნაკლები.

ქ. თბილისში პრეტენდენტს უნდა გააჩნდეს მინიმუმ 10 ბოქსი, ქ.ბათუმში და ქ.ქუთაისში პრეტენდენტს უნდა გააჩნდეს მინიმუმ 5 ბოქსი, ქ.ახალციხეში,ქ.ზუგდიდში ქ.ფოთში, ქ.თელავში, ქ.გორში პრეტენდენტს უნდა გააჩნდეს მინიმუმ 3 ბოქსი.

ტენდერების მონიტორის მიხედვით შპს გსმ სერვისს მონაწილეობა მიღებული აქვს 77 ტენდერში და აქედან 25-ში გაიმარჯვა. მისი მოგებული ტენდერების საერთო სავარაუდო ღირებულება 3 მლნ ლარამდეა.

კომპანია ,,გსმ სერვისი’’ დაარსებულია 2019 წელს და მისი მფლობელთა სტრუქტურა ასეთია:

გიორგი ნაფიშვილი 25%.

 შალვა ოქრუაშვილი 25%.

 მევლუდი ჭუმბურიძე 25%.

გიორგი ბახტურიძე 25%.