თბილისი (GBC) – ჩინური ტექნოლოგიური გიგანტი Tencent თავის 22 წლიან ისტორიაში პირველად ვარდნას განიცდის. აპრილ-ივნისის შემოსავალი 3%-ით შეუმცირდა წინა წლის იმავე პერიოდის მაჩვენებელთან შედარებით.

კომპანიაში აცხადებენ,რომ უკვე დაითხოვეს 5000 თანამშრომელი.

კომპანიაში აცხადებენ, რომ კრიზისი გამოწვეულია ონლაინ თამაშების რეგულირებითა და კოვიდით გამოწვეული ,,ჩაკეტვებით’’.

ექსპერტები ვარაუდობენ, რომ ბოლო 3–თვიანი ეკონომიკური ვარდნები აძლევთ საფუძველს, რომ მთავრობის ოფიციალური წლიური ეკონომიკური ზრდის 5.5%-იანი პროგნოზი გადაიხედოს და შემცირდეს.

BBC-ს ინფორმაციით, ჩინეთის ცენტრალური ბანკი კი მონეტარულ პოლიტიკას ცვლის. ამცირებს რეფინანსირების განაკვეთს, რათა ხელი შეუწყოს ეკონომიკურ აქტივობას. ამჟამად განაკვეთი 2.75%-ზეა (2022 ივლისამდე 2.85%).

ჩინეთის პრემიერმა ლი კეჩიანმა სამშაბათს ბრიფინგზე განაცხადა, რომ ცისქვეშეთი "ეკონომიკური სტაბილიზაციის ყველაზე რთული წერტილშია". მან პროვინციების ლიდერებს მოუწოდა, მეტად დაუჭირონ მხარი ეკონომიკას.