თბილისი (GBC) – 1-11 აგვისტოს პერიოდში არარეზიდენტების უნაღდო ხარჯვა, თიბისი ბანკის არხებით, 57%-ით აჭარბებს 2019 წლის დონეს, ნათქვამია თიბისი კაპიტალის ანგარიშში, რომელიც პარასკევს, 19 აგვისტოს გამოქვეყნდა.

ოფიციალური მონაცემებით, 2022 წლის ივლისში, საერთაშორისო მოგზაურობიდან მიღებულმა შემოსავალმა პირველად გადააჭარბა პრე-პანდემიულ მაჩვენებელს.

1-11 აგვისტოს პერიოდში, სურსათსა და ფარმაციაზე რეზიდენტების უნაღდო დანახარჯების ზრდა სტაბილურია და წლიურად 27% შეადგინა.

ამავე პერიოდში, სხვა კატეგორიებზე რეზიდენტების უნაღდო ხარჯვის ზრდა გაუმჯობესდა და წ/წ +5%-ს გაუტოლდა.

2019 წელთან შედარებით, ტანსაცმელსა და აქსესუარებზე უნაღდო დანახარჯების ზრდის ტემპი შენელდა და 112% შეადგინა.

გართობაზე უნაღდო დანახარჯების ზრდის ტემპი უფრო მნიშვნელოვნად შენელდა და 27%-ს გაუტოლდა 2019 წლის დონესთან შედარებით.

ფიტნესზე უნაღდო დანახარჯების ზრდის ტემპი კვლავ მოცულობითია და 197%-ს გაუტოლდა 2019 წელთან შედარებით.