თბილისი (GBC) – ლარი აშშ დოლართან მიმართებით ორშაბათის ვაჭრობაზე, თბილისის დროით 11:21 საათისთვის 0,26%–ით არის გამყარებული და $1 ამ დროისთვის 2,7850 ლარი ღირს. წლის განმავლობაში ლარი დოლართან 9,72%–ით არის გამყარებული.

მსოფლიო ბირჟებზე ნავთობმა ახალი კვირა მკვეთრი ვარდნით დაიწყო და ამ დროისთვის Brent-ის მარკის „შავი ოქრო“ ლონდონის ბირჟაზე 1,72%–ით არის გაიაფებული, $95,06–მდე ბარელზე. ამერიკული მსუბუქი ნავთობი 1,8%–ს კარგავს და ბარელის ფასი $88,83–ს შეადგენს.