თბილისი (GBC) - სტამბოლის აეროპორტი, აგვისტოს მონაცემებით, მსოფლიოს ყველაზე დატვირთული აეროპორტების ათეულში შევიდა. ამის შესახებ ორგანიზაციის Official Airline Guides (OAG) ანგარიშშია ნათქვამი. OAG ტურისტული ანალიტიკური მონაცემების ყველაზე მსხვილი მიმწოდებელია მსოფლიოში.

წინა წლის ანალოგიურ პერიოდთან შედარებით, საჰაერო სადგური 9 პოზიციით დაწინაურდა 14–დან მეხუთემდე.

ყველაზე დატვირთული აეროპორტების რეიტინგს კვლავაც ატლანტის საერთაშორისო აეროპორტი ჰარტსფილდ–ჯექსონი ლიდერობს.

შემდეგ მოდიან დუბაის აეროპორტი და დალასის ფორტ–უერტი.

მეოთხე ადგილზე ტოკიოს საერთაშორისო აეროპორტია.

ლონდონის ჰიტროუ მერვე ადგილს დასჯერდა.

ლოს–ანჯელესის აეროპორტი მეცხრე ადგილს იკავებს, ხოლო ათეულს პარიზის შარლ–დე–გოლის აეროპორტი ხურავს.