თბილისი (GBC) – ესპანეთის პარლამენტმა მთავრობის მიერ მომზადებული გაზის ეკონომიის გეგმას მხარი დაუჭირა. ესპანური მედიის ცნობით, გეგმის თანახმად გაზის მოხმარების ეკონომია ევროკავშირის რეკომენდაციების შესაბამისად მოხდება, რათა ამ ზამთარს თავიდან აიცილონ ამ ენერგორესურსის დეფიციტი.

კერძო კომპანიებსა და სახელმწიფო დაწესებულებებს რეკომენდაციას აძლევენ, ზაფხულში ოფისები არ გააგრილონ 27 გრადუსზე დაბალ ტემპერატურამდე, ხოლო დამდეგ ზამთარს არ გაათბონ 19 გრადუსზე მეტად. ასევე, 22:00 საათიდან მთელი ღამის განმავლობაში უნდა ჩაქრეს ვიტრინები და განათება გაითიშოს ცარიელ ოფისებსა და დაწესებულებებში.

მთავრობის მიერ მომზადებულ ამ გეგმაში ნავარაუდევია, რომ ამ გზით ბუნებრივი გაზის მოხმარების 7%–ით შემცირება გახდება შესაძლებელი.