თბილისი (GBC) – თურქეთი მსოფლიო სამშენებლო ბაზარზე წარმოდგენილი კომპანიების რაოდენობით 2022 წელს მეორე ადგილზე დაბრუნდა. ამის შესახებ სამშენებლო ინდუსტრიის ჟურნალი ENR წერს.

რეიტინგში 42 თურქული კომპანია მოხვდა.

სამშენებლო კომპანიების მიხედვით შედგენილ გლობალურ რეიტინგში პირველ ადგილს ჩინეთი იკავებს 79 კომპანიით, მესამე ადგილს კი აშშ (41 კომპანია).

თურქეთმა საკუთარი მაჩვენებლები გლობალური ეკონომიკის ზრდის ფონზე დაიბრუნა მეორე ადგილზე გადავიდა, რომელიც გასულ წელს აშშ–ს დაუთმო.

თურქეთი მსოფლიო სამშენებლო ბაზრის 5,1%–ს იკავებს $20,4 მილიარდიანი შემოსავლით. გასულ წელს ეს მაჩვენებელი მხოლოდ 4,4%–ს შეადგენდა.

ამდენად, საერთაშორისო შემოსავლების კუთხით თურქეთი ერთი პოზიციით ამაღლდა მეშვიდე ადგილზე გავიდა. ამით მან უკან ჩამოიტოვა დიდი ბრიტანეთი, ავსტრია და იაპონია.

2021 წელს თურქული კომპანიები ძირითადად ევროპაში, მათ შორის რუსეთში მუშაობდნენ ($8,8 მლრდ), ასევე ახლო აღმოსავლეთში ($5,6 მლრდ), აფრიკაში ($3 მლრდ) და აზიაში ($2,5 მლრდ).