თბილისი (GBC) – რუსეთის ბაზრიდან 1000–ზე მეტი უცხოური ბრენდის გასვლის შემდეგ ქვეყნის სარეკლამო სააგენტოების ნახევარზე მეტმა შტატები გაანახევრა. სამსახურებიდან ძირითადად ბექ–ოფისებში და კლიენტებთან ურთიერთობებზე მომუშავე კადრები დაითხოვეს. ბაზარზე ვითარების გაუმჯობესებას არ ელოდებიან. თუმცა, სააგენტოებში იმედოვნებენ, რომ გასული უცხოური ბრენდები დაბრუნდებიან, ან მათ ჩინური, ინდური და თურქული კომპანიები ჩაანაცვლებენ.

ივლისში მოსკოვის მსხვილი და მცირე ზომის სარეკლამო სააგენტოების HR–სპეციალისტების გამოკითხვის თანახმად, სააგენტოების 57%–მა შეამცირა კადრები, ხოლო აქედან 46%–მა შტატის მხოლოდ ნახევარი შეინარჩუნა.