თბილისი (GBC) – G7–ის ფინანსთა მინისტრები პარასკევს რუსული ნავთობის ფასის  ზედა ზღვრის დაწესების საკითხს განიხილავენ. ამის შესახებ აშშ–ის ეროვნული უსაფრთხოების საბჭოს სტრატეგიული კომუნიკაციების კოორდინატორმა ჯონ კირბიმ განაცხადა.

კირბიმ ბრიფინგზე რუსეთის პრეზიდენტი ვლადიმირ პუტინი „ენერგეტიკული სექტორის იარაღად გამოყენებაში“ დაადანაშაულა და საერთაშორისო ენერგეტიკული სააგენტოს ანგარიში მოიყვანა იმის შესახებ, რომ მიუხედავად დასავლეთის სანქციებისა, რუსეთს ნავთობის ექსპორტიდან შემოსავლები 40%–ით გაეზარდა.

„G7–ის ფინანსთა მინისტრები პარასკევს იმსჯელებენ რუსულ ნავთობზე ფასის ზედა ზღვრის დაწესების საკითხზე“, – თქვა მან.