თბილისი (GBC) - ინგლისის ცენტრალური ბანკის განცხადებით, დედოფალ ელისაბედ II-ის გარდაცვალების გამო, საპროცენტო განაკვეთის ცვლილება გლოვის დასრულებამდე გადაიდება.

ბანკის განცხადებაში ვკითხულობთ, რომ ,,ეროვნული გლოვის პერიოდის გათვალისწინებით’’, მონეტარული კომიტეტის გადაწყვეტილება 22 სექტემბერს, შუადღისას გახდება საჯარო.

ეკონომისტების პროგნოზებით, ცენტრალური ბანკი განაკვეთს 2.25%-მდე გაზრდის. განაკვეთის ასეთი დონე კი ყველაზე მაღალია 2008 წლის დეკემბრის შემდეგ.