თბილისი (GBC) – მიუნხენში ფოლკლორული ფესტივალი „ოქტომბერფესტი“ პანდემიის დაწყების შემდეგ პირველად გაიხსნა. ამის შესახებ ადგილობრივი  Abentzeitung Munchen იუწყება, რომელიც ღონისძიების ტრანსლაციას აწარმოებს. ფესტივალი 3 ოქტომბრამდე გაგრძელდება. ფესტივალის ფარგლებში კორონავირუსის საწინააღმდეგო შეზღუდვები გათვალისწინებული არ არის, თუმცა ხელისუფლება სტუმრებს სიფრთხილისკენ მოუწოდებს.

პანდემიამდე „ოქტობერფესტს“ ყოველწლიურად 6 მლნ ადამიანი სტუმრობდა, რომელთაგან 70% ბავარიელი იყო. ეს ზეიმი 1810 წლიდან ყოველწლიურად აღინიშნება. გერმანიაში ეს ღონისძიება ყველაზე დიდ სახალხო ზეიმადაა აღიარებული.

„ოქტობერფესტში“ მონაწილეობის უფლება ადგილობრივ ლუდსახარშ კომპანიებს აქვთ, როგორებიცაა Spaten-Franziskaner-Bru, ავგუსტინერი, Paulaner, Hacker-Pschorr, Hofbru, Lwenbru და სხვ. ლუდი ქალაქის ცენტრალურ მოედანზე გაშლილ კარვებში იყიდება. თითოეული ასეთი კარავი 10 ათასამდე ადამიანს იტევს.