თბილისი (GBC) – რუსეთის პრეზიდენტის ვლადიმირ პუტინის მიერ ნაწილობრივი მობილიზაციის გამოცხადების შემდეგ რუსებმა მასობრივად დაიწყეს ავიაბილეთების შეძენა მოსკოვიდან საქართველოს, თურქეთისა და სომხეთის მიმართულებებით. ამის შესახებ ინფორმაცია სოციალურ ქსელებში და ზოგიერთ რუსულ მედიაში ვრცელდება.

გამოცემა „ვიორსტკა“ იუწყება, რომ სტამბულისა და ერევნის მიმართულებით ბილეთები მთლიანად გაყიდული იყო პუტინის გამოსვლიდან რამდენიმე წუთში.

„შუადღისთვის გაყიდვაში აღარ იყო ავიაბილეთები მოსკოვიდან ტაშკენტის, ბაქოს, ბიშკეკის და ასტანას მიმართულებებით. გადაჯდომის ვარიანტები კიდევ არის“, – წერს გამოცემა.

რუსეთიდან საქართველოში პირდაპირი რეისები არ არსებობოს. თბილისში მოხვედრა მოსკოვიდან შესაძლებელია, მაგალითად, სომხეთისა და თურქეთის გავლით.