თბილისი (GBC) - ინგლისის ცენტრალური ბანკის განცხადებით, ივლისიდან სექტემბრამდე ბრიტანეთის ეკონომიკა 0.1%-ით შემცირდა.

BBC წერს, რომ ინგლისის ბანკი ეკონომიკის ზრდას ელოდა. ეკონომიკის ზრდას ხელს უშლის ბანკის მიერ საპროცენტო განაკვეთის ზრდა, რომელიც ინფლაციის შეჩერების მოტივით წელს უკვე მეშვიდედ გაიზარდა.

ბოლო ზრდის შედეგად საპროცენტო განაკვეთი 1.75%-იდან 2.25%-მდე გაიზარდა.

საპროცენტო განაკვეთმა 2%–ს ბოლოს 2008 წელს გადააჭარბა, როდესაც გლობალური საბანკო სისტემა კოლაფსის წინაშე იდგა.